Bedrie Ibrahimi, një pensioniste e cila punon si pedagoge në Universitetin e Sarandës, thotë se ndihet shumë mirë që po e ushtron këtë profesion.
Ibrahimi u shpreh se studentët që ka në auditor, kanë shprehur dëshirën për t’u larguar jashtë vendit. Por sipas saj, edhe në Shqipëri jetohet mirë nëse punon me atë intensitet që punohet në shtete jashtë Shqipërisë.
“Mu aprovua kërkesa për të dhënë mësim si pedagoge e jashtme në filialin e ekonomisë në Universitetin e Sarandës. Faktikisht, studentët e kanë këtë mani dhe ide për të ikur. Mbasi mbaroj mësimin dhe bëjmë një bisedë, unë gjithmonë këmbëngul te ajo që edhe në Shqipëri mund të jetosh nëse punon me atë intensitet që punohet jashtë”, tha Ibrahimi.
