Pensionistët po paraqiten në postë, ku presin në radhë për të tërhequr shpërblimin prej 50 mijë lekësh të akorduar nga qeveria Rama si bonus shpërblimi për muajin prill. Rama ka deklaruar se kjo masë është dhënë edhe në vende të BE, dhe vjen në kuadër të lehtësimit të barrës që ka shkaktuar lufta në Ukrainë.
Teksa gazetarja pyet një grua të moshuar se si ju duket kjo shumë, pensionistja përgjigjet: “Berqaves! Ne jemi mësuar me pak të keqen nëna”.
Ndërkaq një zotëri i moshuar thotë: “S’e kam marrë shpërblimin se s’ma ka ardhur radha, por merret. Pensionistët kanë nevojë për më shumë, por kur s’ke edhe me kaq kënaqesh”.
I pyetur se për çfarë do ta shpenzojë dhe a është e mjaftueshme ai shton: “Për çfarë të ketë mundësi për familje. Nuk është shpresa atje, por është si një plus në pensionin e zakonshëm”.
