Korporata elektro-energjetike shqiptare duket se brenda muajit mund të nisë eksportin e energjisë elektrike.
Lajmin e njoftoi ministrja e energjisë Belinda Balluku e cila theksoi se reshjet e ditëve të fundit kanë rritur kuotat në dy hidrocentralet e Komanit dhe Vaut të Dejës, ndaj për të shmangur hapjen e portave, nevojitet eksporti. Aktualisht niveli i ujit në liqenin e Fierzës është në nivelin 268 metrave, rezervë e cila po ruhet, duke u përqendruar prodhimi tek dy hidrocentralet e vogla.
Nisur edhe nga parashikimet për reshje me intensitet të lartë në ditët në vijim si dhe mundësin eksporti janë sinjale që edhe fasha “800 kwh” duket se nuk do të miratohet as për muajin dhjetorë, pasi qeveria ka argumentuar se kjo vendimmarrje do të jetë në varësi të rezervës hidrike e cila eshte permiresuar ndjeshem.
