Teatri i Universitetit të Arteve u hap mbrëmjen e të premtes për publikun.
Kryeministri Edi Rama ishte i pranishëm edhe ceremoninë e hapjes së teatrit të universitetit të Arteve ku tha se ndiente kënaqësi që i kthente diçka, sado pak këtij vendi që atij i ka dhënë shumë.
“Një tjetër hapësirë krenarie europiane iu shtua Tiranës kulturore, kryeqytetit të Europës së Ballkanit, e cila po hedh shtat dita- ditës si mishërim i ambicies dhe punës sonë të përbashkët drejt majës së re të Shqipëria 2030”, shkruan Rama.
Kjo përmbylli projektin e restaurimit të thellë dhe kthimit në identitet të krejt pjesës së korpusit të klasifikuar si monument i trashëgimisë kulturore, ku është punuar, në bashkëpunim me restauratorët e Universitetit të Firences, e ku salla e teatrit ishte pjesa më e çmuar e më sfiduese për ekipet e përfshira në projekt.
