Juristi Kreshnik Spahiu ka folur për dosjen “Partizani” dhe bëri një parashikim për Sali Berishën i cili është person nën hetim.
Duke komentuar mos paraqitjen në SPAK të Sali Berishës, juristi Spahiu tregon se çfarë parashikon ligji në të tilla raste. Sipas Spahiut GJKKO mund të kërkoje një masë më e rëndë, masa e “arrestit shtëpiak”, ose masa e “arrestit me burg”.
“Unë parashikoj se këta nuk do të bëjnë ndryshim të masës së sigurimit. Sali Berisha sot ende nuk figuron me një akuzë të komunikuar. Si e parashikoj unë, këta do i fusin një të mbyllur hetimit dhe brenda një muaj, do mbyllin hetimin dhe do ia dërgojnë çështjen do i kalojnë për gjykim gjykatës. Berisha do shkojë i lirë para gjykatës dhe do fillojë gjykimi i çështjes. Berisha mbase nuk do të marrë pjesë vetë, por me anë të avokatëve do kërkojë që çështjen ta mbyllë me pafajësi”, tha Spahiu.
