Kryeministri Edi Rama në një postim në rrjetet sociale bën me dije se po vijon puna për ndërtimin e urës në fshatin Kukur në Gramsh.
Rama shkruan se kjo urë do t’ju shërbejë 1600 banorëve në fshatrat Kukur, Rashtan e Rovien të cilët do ta kenë më të lehtë lëvizjen drejt qytetit të Gramshit.
“Në Gramsh, vijon puna për ndërtimin e urës në fshatin Kukur. Një ndërhyrje e rëndësishme, e cila zgjidh një problematikë të hershme, duke ju shërbyer afro 1600 banorëve në fshatrat Kukur, Rashtan e Rovien, të cilët do të mund të aksesojnë më shpejt e më lehtë qytetin e Gramshit. Do të vazhdojmë t’ju shërbejmë qytetarëve, në çdo cep të vendit, përmes ndërhyrjeve të cilat lehtësojnë jetesën e tyre”, shkruan Rama.
