Presidentja e Kosovës, Vjosa Osmani ka folur për ndryshimin “për të mirë” në raportet me kryeministrin e Shqipërisë, Edi Rama.
Osmani ka thënë se pavarësisht dallimeve në disa çështje, është shumë me rëndësi që shqiptarët të unifikojnë politikën e tyre të jashtme.
“Me qëllim të shtyrjes përpara të prioriteteve tona, është shumë me rëndësi që shqiptarët në rajon të unifikojnë politikën e jashtme. Shqipëria është zëri ynë atje ku nuk kemi përfaqësim, ndaj pavarësisht dallimeve që kemi pasur në disa çështje. Shteti ynë i ka themelet e forta sepse qëndron mbi sakrificën e popullit tonë, por edhe mbi partneritetet që i kemi ndërtuar. Prandaj, bashkëpunimi me Shqipërinë në fuqizimin e shtetit të Kosovës është esencial”, ka thënë Osmani.
