Ministrja e Jashtme Olta Xhaçka ka reaguar për situatën e tensionuar në veri të Kosovës, duke bërë thirrje për heqjen e menjëhershme të barrikadave.
Sipas ministrit të Brendshëm të Kosovës, Xhelal Sveçla, 6 barrikada janë ngritur në veri të vendit, nga grupe ekstremistësh të cilët kanë hapur zjarr ndaj policisë. Xhaçka thotë se është e rëndësishme që të vendoset qetësia dhe sundimi i ligjit.
“Shqipëria dënon ashpër sulmet ndaj Eulex Kosovë dhe në Policisë së Kosovës në veri të Kosovës. Ne i bashkohemi thirrjeve të partnerëve tanë ndërkombëtarë për heqjen e menjëhershme të barrikadave nga grupet e serbëve të Kosovës. Është e rëndësishme të rivendoset qetësia dhe sundimi i ligjit”, deklaron Xhaçka.
