Një ditë pas Asamblesë Kombëtare, kryeministri Edi Rama ka mbledhur sot kryesinë e re të Partisë Socialiste, e cila u votua një ditë më parë.
Mbledhja po zhvillohet në selinë e PS. Burime mediatike bëjnë me dije se në fokus është organizimi i fushatës së PS për zgjedhjet parlamentare të 2025.
Kujtojmë që një ditë më parë Asambleja Kombëtare e PS-së zgjodhi anëtarët e kryesisë së re të partisë, ashtu si edhe përbërjen e sekretariatit, mes emrave të propozuar nga Kryeministri Edi Rama.
Asambleja e PS zgjodhi Kryesinë e re dje e cila përbëhet nga: Erion Braçe, Arben Pëllumbi, Toni Gogu, Eduard Shalsi, Igli Hasani, Lindita Nikolla, Albana Koçiu, Klodiana Spahiu, Anila Denaj dhe Etilda Gjonaj.
