Apartamenti i ish-ministrit të Shëndetësisë, Ilir Beqaj, në Vlorë është sekuestruar nga GJKKO, me urdhër të SPAK.
“Gjykata e Posaçme ka vendosur Pranimin e kërkesës së SPAK për Caktimin e masës së sigurimit pasuror “sekuestro preventive”, mbi pasurinë e paluajtshme (apartament), me sipërfaqe 90.8 m2, sipërfaqe verande 61.2m2 dhe sipërfaqe të përbashkëta 13.7m2, me vendodhje në Lungomare, Vlorë, si pasuri e lidhur me personin nën hetim I.B. Hetuesit e Byrosë Kombëtare të Hetimit, në bashkëpunim me oficerë të policisë gjyqësore pranë Drejtorisë Vendore të Policisë Vlorë kanë kryer ekzekutimin e vendimit të Gjykatës“, njofton Gjykata e Posaçme.
Avokati i Ilir Beqajt ka deklaruar se klienti i tij nuk ka në pronësi asnjë apartament në Vlorë, po e ka pasur me qira atë në vitin 2020 ndërsa sot nuk ka asnjë lidhje me ato që pretendon SPAK-u.
