Pavarësisht akuzave politike nga Ilir Meta dhe Sali Berisha për Altin Dumanin, Ambasadori Europian, Silvio Gonzato i ka dalë në mbrojtje SPAK-ut.
Gonzato deklaroi se korrupsioni mbetet një shqetësim serioz në vendin tonë, duke shtuar SPAK ka bërë një punë të shkëlqyer.
“Puna e shkëlqyer nga SPAK ka dhënë rezultate konkrete. Është bërë progres në luftën kundër korrupsionit falë SPAK, hetime financiare dhe forcimin e luftës kundër pastrimit të parave. Komisioni është gati të mbështesë objektivin ambicioz për të mbyllur negociatat për anëtarësimin deri në fund të 2027. Raporti 2024 ofron orientim të rëndësishëm, ofron një vlerësim të drejtë se ku qëndron vendi. Raporti vlerëson funksionimin e institucioneve demokratike si pjesërisht e kënaqshme”, tha Gonzato.
