Ditën e djeshme mediat raportuan rrëzimin e kërkesës së Berishës, por çuditërisht sot Gjykata Kushtetuese ka ndryshuar qëndrimin e tyre duke na bërë me dije se ne jemi keqkuptuar.
Kushtetuesja ka deklaruar se vendimi i marrë ditën e djeshme i referohet vetëm masave “detyrim paraqitje” dhe “ndalim i daljes jashtë vendit”, duke theksuar se masa e sigurisë “arrest shtëpie” ndaj Berishës nuk është marrë në shqyrtim, pasi do të jetë pjesë e një tjetër senace tjetër të posaçme.
“Duke marrë shkas nga lajmet dhe opinionet në media dhe portale, në lidhje me vendimarrjen e djeshme të Gjykatës Kushtetuese, sqarojmë se vendimi i referohet masave të sigurisë“detyrim paraqitje” dhe “ndalim i daljes jashtë vendit”, dhe jo shqyrtimit të masës “arrest në shtëpi”. Sikurse u deklarua dhe në Konferencën për shtyp të Kryetares Zaçaj, ju sqaroj se për sa i takon vlerësimit të masës së sigurisë “arrest në shtëpi”, kërkesa në lidhje me këtë masë është regjistruar në Gjykatë, në datën 18.11.2024, dhe do të jetë objekti një shqyrtimi tjetër gjyqësor sipas afateteve dhe rregullave të parashikuara në ligj”, thuhet në reagimin nga Gjykata Kushtetuese.
