“Partia Mundësia” e drejtuar nga deputeti Agron Shehaj ka hapur “thesin” me premtime elektorale.
Ashtu siç thotë kryeministri Edi Rama këto janë premtime njësoj siç bënte “Sudja” e firmave piramidale në vitin e mbrapshtë 1997. Edhe sot Agron Shehaj zotohet se do t’u dhurojë nga 1000 euro çdo fëmije të moshës deri në 16 vjeç.
“Paratë nga buxheti i shtetit do ti jepen pensionistëve, do të rrisim pensionet. Ndërkohë çdo fëmije deri në moshën 16 vjeç do t’i japim një mbështetje 1000 euro në vit. Dhe kjo ka një kosto jo më shumë se 150 mln euro në vit dhe këto para do i marrin qytetarët nga buxheti i shtetit, duke mos i dhënë mundësi politikanëve që t’i vjedhin. Më vjen keq për ndarjen e opozitës, por nuk shoh zgjidhje tjetër, këtu duhet ndryshuar me rrënjë”, tha Shehaj.
