Drejtoria e Burgjeve ka zgjedhur të izolojë Erion Veliaj, në një qeli “speciale” të vetmuar me të dënuarit dhe paraburgosurit e tjerë.
Veliaj është akomoduar në paraburgimin e Durrësit, ku administrata e këtij institucioni kishte mundësuar një dhomë personale për kryebashkiakun e Tiranës.
Sipas burimeve pranë burgut të Durrësit, Veliaj do qëndrojë i vetëm në qeli për një periudhë kohe, deri në kryerjen e një analize risku mbi gjendjen shëndetësore të tij.
Kjo kohë është periudha e “Observimit”, thanë burimet pranë burgut të Durrësit, të cilët konfirmuan se gjatë kësaj kohe do kryhet dhe vizita e mjekut dhe përmbushet kartela e personit të arrestuar. Gjithashtu në ditën e parë, Veliaj nuk ka shfaqur asnjë kërkesë personalë për sjelljen e ndonjë sendi të domosdoshëm që i nevojitet në burg./ Rilindje.info
