“Tirana Walk 2021” është projekti më i ri për kryeqytetin e së nesërmes, që parashikon kthimin e ish-Bllokut në zonë këmbësore, duke krijuar një tjetër hapësirë të ridizajnuar urbane, që bën protagonistë qytetarët dhe jo automjetet.
Rama u shpreh se me kthimin e ish-Bllokut në pedonale ofrohet një mundësi më e madhe për të kaluar kohë në një ambient të pastër dhe të sigurt, pa shqetësimin e trafikut.
“Në këtë zonë do t’ja vlejë shume të ecet me këtë projekt, është një zonë qendrore, e aksesueshme lehtësisht nga ku banorët distancat që duan të përshkojnë nuk i kanë të gjata. Duke stimuluar ecjen, zona do jetë më efikase dhe për bizneset në zonë”, tha Rama.
Kreu i qeverisë është shprehur se do të ndërmerren masa për parkimin e dyfishtë, për të cilin tha së është një problem kryesor për trafikun.
“Hapi tjetër që do duhet të bëjmë është goditja e parkimit të dyfishtë që është problemi kryesor. Kjo do të bëjë që shumëkush në distanca të arsyeshme të filloj të mendje që mund të lërë makinë dhe të përdor më shumë këmbë”, tha kryeministri.
