Metodologjia e përdorur në sondazh e fundit të “Euronews Albania” janë 1,600 qytetarë të pyetur në gjithë territorin e vendit, ballë për ballë gjatë, periudhës 15-25 shkurt 2025.
Të pyetur për besimin tek SPAK si institucion qytetarët tregojnë rritje të besimit dhe vlerësimit, duke kapur pikën më të lartë në të dy këto tregues që nga fillimet e matjeve të sondazhit.
Lidhur me besimin: 52.1% e qytetarëve kanë besim tek ky institucion duke e vendosur SPAK për herë të parë në krye të listës, duke lënë pas edhe Ambasadën Amerikane e cila kishte kryesuar listën e institucioneve në Shqipëri si institucioni më i besueshëm për më shumë se 30 muaj.
E njëjta qasje vërehet edhe kur qytetarët pyeten për vlerësimin e punës së SPAK, ku 70,7% e qytetarëve vlerësojnë pozitivisht punën e tij. Krahasuar me muajin janar 2025 edhe për besimin edhe për vlerësimin, SPAK rezulton me një rritje prej 10 pikësh.
Matjet e mëparshme tësondazhit ishin ato të periudhës 15-30 janar 2025, ku ende nuk kishte ndodhur arrestimi i Erion Veliajt. Duket qarte se pas këtyre zhvillimeve të 2 javëve të fundit, besimi dhe vlerësimi për SPAK është rritur dukshëm.
