Deputeti i opozitës Dashnor Sula ka reaguar për herë të parë pas lajmit se është tërhequr nga lista e “Nismës Shqipëria Bëhet”, për zgjedhjet parlamentare të 11 Majit.
Dashnor Sula u shpreh se u ftua të ishte pjesë e koalicionit të Adriatik Lapajt por nuk ranë dakord për arsye të cilat deputeti nuk pranoi t’i bëjë me dije.
“Fakti është që nuk jam atje, nuk kam shkuar atje, ishim në kuadër negociatash. Mu kërkua që të isha pjesë, nuk u dakordësuam dhe kaq. U kërkova nga koalicioni por nuk ramë dakord”, u shpreh Sula.
Kujtojmë se Dashnor Sula nuk u përfshi në listat e kandidatëve për deputet nga Sali Berisha edhe pse doli si ndër më të votuarit në “Primaret” e PD.
