Sali Berisha i ka bërë thirrje Kongresit Amerikan të nisë një hetim në lidhje me ish-ambasadoren e SHBA në Tiranë, Yuri Kim.
Teksa u pyet nga gazetarët në lidhje me lajmet që po qarkullojnë nga mediat pranë PD-së se “Yuri Kim është shkarkuar nga Departamenti i Shtetit”, Berisha u shpreh se nuk ka një informacion të sigurt në lidhje me këtë çështje.
“Nuk kam asnjë lajm të sigurt, përveç lajmeve që janë botuar, se ajo është shkarkuar ose jo. Ajo çfarë unë them, ajo në deklaratat e mia ka qenë diplomate e korruptuar dhe unë kam ftuar FBI-në, kam ftuar Kongresin të hetojnë për korrupsionin e saj dhe ato informacione që unë disponoj, jam i gatshëm të ua vë në dispozicion”, tha Berisha.
