Dash Sula zbulon se çfarë u kërkoi Berisha kandidatëve fitues të primareve dhe batutat mes deputetëve demokratë.
Gjatë intervistës në Report TV, Dash Sula nuk e urren Berishën të cilin thotë e kanë dizinformuar ata demokratë që i etiketon si “shpirt zinj”.
“A e di çfarë ma kërkuan. Pasi mbaruan primaret na kërkuan 300 emra nga diaspora. Për 4 orë kam sjellë 610. Doni 6 mijë, jua sjell unë më jepni një javë kohë. Në seancën e së hënës, 17 mars, I thashë zonjës së famshme Vokshi i thashë a ka ndonjë kriter tjetër. Nëse duhet për të plagosur ndonjë socialist. Oerd Bylykbashi më tha: Dasho mos duhet më shumë se tre, se varet nga radhitja pastaj. Nuk i urrej, por i mëshiroj për shpirtin e vogël dhe shpirtin e zi që kanë. Për hir së vërtetës ndjej keqardhje për Berishën. Që dhe për shkak të moshës ka momente është i lodhur dhe këta ia bëjnë kokën me xhunga e i fryjnë në vesh aq shumë sa e trullosin. Dhe në mbledhjen e kryesisë e kanë dizinformuar në raport me mua. Edhe pse unë kam dalë i pari me votat e Peqinit,Belshit e Gramshit e Cërrikut e kanë deformuar”, tha Dash Sula.
