Lideri i koalicionit “Nisma Shqipëria Bëhet” Adriatik Lapaj foli në studion e “Opinion” për ambicien e tij në garën e 11 Majit dhe programin e kësaj force politike.
Po çfarë ndodh nëse partia e tij merr të ashtuquajturën “votë të artë”?
Blendi Fevziu: Nëse ju, do të keni një mandat të artë, që PD dhe PS-ja nuk e bëjnë dot 71-in, me cilën nga forcat bëni koalicion?
Adriatik Lapaj: “Nëse të nesërmen kemi këtë votën e artë, atëherë, për të garantuar që do bëhen zgjedhje që vota nuk blihet, do ta çojmë vendin në zgjedhje të parakohshme”.
Blendi Fevziu: Deklaratë elektorale apo reale? Se shënohet kjo…
Adratik Lapaj: “Kjo është fytyra ime! Jo për arrogancë, destabilitet, por për një arsye të thjeshtë… E para do çlirojmë administratën, do hedhim në kosh te plehrave ato paratë që janë përdorur për të blerë vota dhe do demotivojmë krimin. Ky është mesazhi”
