Ditën e sotme është kryer një tjetër ndryshim në kabinetin qeveritar.
Kryeministri Edi Rama me vendim të Këshillit të Ministrave ka emëruar Andi Memetin si zëvendësministër i Financave.
“Me propozimin e Kryeministrit, Këshilli i Ministrave vendosi Andi Memeti emërohet zëvendësministër i Financave. Ky vendim hyn në fuqi menjëherë dhe botohet në “Fletoren zyrtare”, thuhet në vendimin e qeverisë.
Por kush është zv/ministër i ri i Financave? Andi Memeti, është një aplikant i platformës “Deputeti që duam”, e hapur nga Partia Socialiste për të rinjtë që duan të afrohen në politikë. Në përshkrimin që Andi Memeti i bën vetes thotë se ka studiuar në Britani për Shkenca Politike dhe Marrëdhënie Ndërkombëtare. Më pas thotë se nisi karrierën profesionale në Londër, ku prej 11 vitesh punon në fushën financiare dhe bankare.
