Drejtuesi i koalicionit ‘Nisma Shqipëria Bëhet’, Adriatik Lapaj ka paditur për shpifje në SPAK kryetarin e Partisë Mundësia, Agron Shehajn.
Lapaj tha se Agron Shehaj e ka kërkuar këtë konflikt me këmbëngulje dhe tashmë duhet të përballet me Gjykatën e Posaçme.
“Unë i kam dhënë kohë zotit Shehaj prej një muaji, por edhe vetes, për të reflektuar, sepse nuk e kam dashur këtë konflikt, sepse ai që fërkon barkun në këtë konflikt është Edi Rama. Por Shehaj e kërkoi me qiri, duke pretenduar se paskemi gjëra për të fshehur dhe frikë. Unë nuk kam pasur frikë nga Edi Rama dhe Berisha, jo nga Agroni. Unë nuk kam dashur të krijojë një kurs konflikti mes të resë, por kush kërkon luftë, luftë do gjejë. Si ta kërkojë, ashtu do e gjejë. Sot po dorëzoj si akuzues i dëmtuar padinë pranë Gjykatës së Posaçme dhe Shehaj duhet të vijë këtu të provojë pretendimet. Unë dhe asnjë familjar i imi nuk kemi asnjë metër tokë në Shqipëri”, tha Lapaj.
