Kandidati për deputet i PS-së në qarkun e Vlorës, Ardit Bido ka depozituar në Gjykatën e Tiranës kallëzim për shpifje ndaj zëdhënëses së PD-së, Genta Vangjeli.
Sipas Bidos, “KQZ-ja ka zbardhur të vërtetën dhe ka sqaruar zyrtarisht se unë jam i pezulluar nga detyra si drejtor i përgjithshëm i Arkivave”.
”Besueshmëria politike nuk ndërtohet mbi baltë. Ndërtohet mbi atë që ke bërë në jetë, jo mbi çfarë shpif për tjetrin. Për këtë arsye, shpifjes nuk i përgjigjemi me po të njëjtën monedhë. I përgjigjemi aty ku duhet, në gjykatë. Sepse ky vend meriton debat, jo baltë. Drejtësi, jo zhurmë”, tha Bido.
Zëdhënësja e PD, Genta Vangjeli i bëri thirrje KQZ-së që të përjashtojë Ardit Bidon, me justifikimin se ai po bën fushatë duke qenë ende në detyrën e Drejtorit të Përgjithshëm të Arkivave.
