Të dhënat e sondazhit të Report TV në bashkëpunim me Institutin italian ‘Piepoli’ tregojnë një rënie të besueshmërisë së opozitës së udhëhequr nga Sali Berisha, pikërisht një ditë para nisjes së fushatës elektorale për zgjedhjet e 11 majit.
Në total vetëm 32% e shqiptarëve shprehen se kanë besim tek opozita e Sali Berishës, një rënie me 1% krahasuar me të dhënat e sondazhit të 27 marsit.
Pyetjes “Sa e konsideron të besueshme veprimtarinë politike të opozitës së udhëhequr nga Sali Berisha?”, 13% e të anketuarve i përgjigjen “shumë e besueshme”, ndërsa 19% “mjaft e besueshme”.
Ndërkohë, 66% e shqiptarëve nuk kanë besim tek opozita e udhëhequr nga Sali Berisha. 62% e shohin “aspak të besueshme”, ndërsa 4% “pak të besueshme”. Shiko në tabelë rezultatet e sondazhit:
