Kryeministra, presidentë dhe zyrtarët më të lartë të 47 shteteve të Kontinentit Europian do të mblidhen në Tiranë për Samitin e Komunitetit Politik Europian. Një ngjarje e rëndësishme kjo do të bashkojë udhëheqësit nga Londra në Kiev, nga Oslo në Ankara, për të diskutuar çështje kyçe për të ardhmen e Europës.
Drejtoria e Shërbimeve Qeveritare ka shpallur fituesin e një procedure tenderuese me vlerë 232 milionë lekë (2.4 milionë euro) për ndërtimin e strukturave pritëse dhe akomoduese për Samitin.
Objekti i kontratës specifikon ndërtimin e strukturave akomoduese dhe konstruksioneve të përkohshme, të cilat do të shërbejnë për pritjen dhe zhvillimin e punimeve të nivelit të lartë të këtij samiti, ku pritet të marrin pjesë liderë nga vendet anëtare të Bashkimit Europian dhe të vendeve partnere.
Sipas të dhënave të publikuara në Agjencinë e Prokurimeve Publike, kontrata është realizuar me procedurën “me negocim, pa njoftim paraprak”, me vlerën përfundimtare të kontratës 232 milionë lekë, nga fondi limit prej 235 milionë lekësh.
