Deputeti i listës së mbyllur të PD, Klevis Balliu ka qenë i ftuar në emisionin “Të Paekspozuarit” në MCN TV, ku foli për zgjedhjet.
Ylli Rakipi me ironi i tha deputetit se e meriton vendin në listën e mbyllur të PD, pasi ai është nga personat e paktë që po flet në media për humbjen katastrofë që pësoi PD-ja.
Rakipi tha se demokratët e tjerë nuk të hapin as telefonin sepse kanë frikë dhe nuk flasin para Sali Berishës.
Ylli Rakipi: “Zoti Balliu mënxyrë (fatkeqësi) e madhe ka rënë. Nuk hap njeri telefonin. Doktori bëri shumë mirë që të futi në listën e mbyllur, sepse ti përgjigjesh, shumë njerëz nuk dalin dhe fshihen. Edhe presin se çfarë do të thotë doktori. Tani, mënxyrë e madhe duket, opozita ka humbur thellë zgjedhjet”
