Ish-kryemistri Fatos Nano është shtruar prej 12 ditësh në një nga spitalet private të Tiranës pasi gjendja e tij shëndetësore është përkeqësuar shumë kohët e fundit.
Burime bëjnë me dije se Fatos Nano prej një muaji ka marrë trajtim mjekësor edhe në shtëpinë e tij, oksigjen të vazhdueshëm dhe përkujdesje nga bluzat e bardha 24 orë.
Sot, ish-kryeministri i Shqipërisë, ka pësuar edhe arrest kardiak, ka humbur vetëdijen, truri jashtë funksionit ndërsa organet e tjera vijojnë të jenë funksionale.
Ish-kreu i Partisë Socialiste ka pasur prej kohësh probleme me mushkëritë dhe është trajtuar më herët për një sëmundje kronike të sistemit respirator.
Kjo nuk është hera e parë që Nano shtrohet në spital. Në 2023 ai ndodhej në intubim pasi iu rikthye një problem kronik respirator, që në gjuhën mjekësore njihet si SPOK, sëmundje pulmonare obstruktive kronike.
Fatos Nano është ndër politikanët e shquar në vend. Ai është themeluesi dhe kreu i parë i Partisë Socialiste në Shqipëri dhe ka mbajtur postin e lartë si kryeministër i vendit në 1991, u rizgjodh më pas në 2002 dhe deri në 2005.
