Një situatë e pazakontë ka ndodhur mesditën e sotme me transmetimin e Big Brother VIP Albania.
Abonentët e Digitalb kanë raportuar se aktualisht është ndërprerë sinjali në të dyja kanalet e dedikuara për transmetimin 24-orësh te Big Brother VIP, duke sjellë një “black out” total të pamjeve nga shtëpia.
Ekranet e zeza në të dyja linjat e transmetimit kanë ngjallur konfuzion te publiku, duke detyruar produksionin të reagojë përmes një njoftimi urgjent. Sipas “Vëllait të Madh”, shkaku i këtij bllokimi masiv janë problemet teknike.
“Për shkak të disa problemeve teknike, sinjali nga shtëpia është ndërprerë. Ekipi teknik po punon për rikthimin e menjëhershëm të transmetimit. Vëllai i Madh ju njofton se banorët janë gjatë gjithë kohës nën monitorimin e kamerave“, thuhet ne reagimin zyrtar te Big Brothet VIP.
