Prej muajit dhjetor ëstë hapur për qarkullimin e automjeteve rruga e re drejt aeroportit të Rinasit. Lajmi është konfirmuar nga Belinda Balluku, e cila ka inspektuar disa ditë më pare hapjen e aksit të ri.
Balluku u shpreh se me ndryshimin e koncesionarit, aeroporti i Rinasit ka pësuar ndryshime të mëdha pozitive dhe se lëvizjet dhe fluturimet në aeroport janë shtuar dukshëm vitin e fundit.
“Pas ndryshimit të koncesionarit aeroporti i Rinasit ka pësuar ndryshim të madh. Mbi 26 mijë fluturime gjatë 10 muajve të parë të 2022. 4.4 milion pasagjerë deri në 30 tetor të këtij viti. Deri në fund të vitit do të kemi 5.2 mln pasagjerë. Aeroporti i Rinasit një nga dy aeroportet në rritje gjatë viti 2022”, tha ministrja Balluku.
