Pasi kreu i Partisë Demokratike Sali Berisha, “sulmoi” një ditë më parë, për të disatën herë, ambasadorin e Bashkimit Europian në Tiranë Silvio Gonzato, nuk ka munguarpërgjigjja e diplomatëve të vendeve anëtare të BE.
Ka qenë Ambasada e Gjermanisë në Tiranë ka publikuar një mesazh të dekanit të trupit diplomatik të vendeve anëtare të Bashkimit Europian, ambasadorit të Qipros në Athinë, Stavros Avgoustides, i cili mbulon edhe Shqipërinë.
Në këtë mesazh të publikuar është një deklaratë e përbashkët e Ambasadorëve të BE-së të akredituar në Shqipëri, dhe në të theksohet mbështetja e plotë për ambasadorin e BE-së në Tiranë.
“Në Ditën e Evropës, ne qëndrojmë të bashkuar në mbështetje të Ambasadorit të BE-së dhe ekipit të tij, dhe riafirmojmë besimin tonë të plotë në profesionalizmin, integritetin dhe shërbimin e tyre të përkushtuar”, thuhet në deklaratën e përbashkët të Ambasadorëve të BE-së të akredituar në Shqipëri.
Kujtojmë se ditën e djeshme kreu demokrat u shpreh: “Çfarëdo që të bëjmë ne, ambasadori i BE në Tiranë, në Bruksel sillet në mënyrë absolute sikur të jetë ambasadori i Edi Ramës në Bruksel.
Ky zotëri, në mënyrë të pretenduar, ka transmetuar në Bruksel trillimet më të pavërteta ndaj opozitës, sikur ne nuk jemi për integrimin. Për të mos treguar shumë gjëra të tjera.”
