Kryeministri Edi Rama pati një përplasje me gazetaren e CNN mbrëmjen e djeshme gjatë pyetjeve që ajo i drejtoi për protestat masive në Tiranë.
Pasi ajo e lidhi protestën me situatën politike në Shqipëri dhe korrupsionin, Rama i ndërhyri duke i kërkuar me ngulm që të linte të mbaronte duke i quajtur lajme të tilla si “të rreme”.
》Rama: E kupton? Dhe… më lër të mbaroj
》Gazetarja: Po vazhdoni..
》Rama: Më lër të mbaroj!! Çfarë është kjo, çfarë është gabim me ty?
》Gazetarja: Ju thashë që mund të vazhdoni. Nuk ka nevojë të tregoni mosrespekt. Po ju them që mund të vazhdoni zoti kryeministër, mbaroni mendimin tuaj.
》Rama: Ju lutem më lini të mbaroj, sepse sollët politikën dhe thatë se ka një hetim antikorrupsion. Është lajm i rremë.
