Kryeministri i Shqipërisë Edi Rama ka publikuar një foto ku shfaqet krah presidentit francez Emmanuel Macron, madje ka zbuluar se Rilindja e Liceut Francez të Korçës ndodhet sot në tryezën e presidentit.
Kryeministri Rama shkruan se një dekadë më parë ishte e paimagjinueshme që Shqipëria të konsiderohej partner strategjik i Francës në Ballkan.
Ndërkohë që Edi Rama vijon me publikimet duke treguar haptazi marrëdhëniet e mira që Shqipëria ka krijuar me vendet europiane, e kjo falë qeverisjes së bërë në vitet e fundit, me mijëra qytetarë kanë zbarkuar ditën e sotme poshtë zyrës së tij duke kërkuar me këmbëngulje dorëheqjen e Ramës.
Postimi i kryeministrit Edi Rama:
“Sot edhe Rilindja e Liceut Francez të Korçës është në tryezën e Presidentit të Francës, si një ndër projektet nën kujdesin e tij, pas vizitës historike në Tiranë.
*një dekadë më parë Franca që kujdeset për Shqipërinë dhe Shqipëria që konsiderohet partner strategjik i Francës në Ballkan, do të ishte e paimagjinueshme”, shkruan Rama.
