Deputetja socialiste Sara Mila theksoi se përfaqësuesit fillestar të protestës qytetare do të dalin së bashku me kryeministrin Rama me zë dhe figurë dhe do të sqarohet situata, në lidhje me kërkesat e tyre në lidhje me investimin në Zvërnec.
Mila theksoi se jemi drejt rrugës së dialogut, duke tejklauar momentet e para ku sipas saj kishte tymnajë dhe dezinformim.
“Pati një tymnajë dhe dezinformim, u përdor. Do të ndodhë shumë shpejt një sqarim. Edhe vet përfaqësues të protestës, ata fillestarët, të vërtetët, jo këta që fshihen pas atij që vrau njerëzit në bulevard, do dalin me zë, me figurë, së bashku me kryeministrin, me organet kompetente, dhe do të sqarohet gjithë Shqipëria sepse jemi drejt dialogut”, u shpreh Mila.
“Kjo qeveri është mandatuar me më shumë se 860 mijë vota dhe me një premtim primar, që është…Po më gjete 10 vlonjatë që protestojnë?! Kur nuk protestojnë vlonjatët. Ne kemi dalë një vit më parë dhe u kemi thënë shqiptarëve na dhuroni një mandat të fortë për ta çuar Shqipërinë në BE. Ju më thoni, ndalojeni këtë volumin, sepse kanë dalë këta që s’duan që ky proces të ndodhi!”, vijoi deputetja e PS.
