Ish ambasadori Agim Nesho deklaroi se kryeministri Edi Rama ka marrë fund, teksa komentoi protestat që vijojnë kundër tij prej tre muajsh kundër qeverisë së tij.
Në një intervistë për News24, ai deklaroi se Rama edhe vetë është i vetëdijshëm se ka marrë fund por po kërkon rrugëdalje.
Ish ambasadori theksoi mes të tjerash se besimi nuk është krisur vetëm tek qytetarët në Shqipëri, por edhe tek faktori ndërkombëtar, që sipas të cilit, do t’i japë goditje të mëdha.
“Unë Ramën e mëshiroj dhe shikoj se ka marrë fund, është lëngaraq. Në kohën kur populli është ngritur rrugëve se është një regjim i drejtuar prej tij por edhe i falimentuar, e ka çuar Shqipërinë në shitje duke dhënë koncesione në favor të mbiijetesës së tij politike. E shikoj në fundin e tij. Ngjarjet e shtatorit do precipitojnë se do të ketë goditje nga komuniteti ndërkombëtar. Kemi arritur në një pikë që jo vetëm që Rama është diskretituar brenda vendit por edhe vetë komuniteti ndërkombëtar që e shikonte Ramën si klientelist të pranueshëm, që pranonte çdo gjë. Kërkonte Meloni copë territori për të vendosur emigrantët që të mos i pranonte ia jepte me kënaqësi kur edhe Ruanda dhe Tunizia kërkonin para. Ky bënte xhentëllmenin se kërkonte të mbante pushtetin. Rama ka drejtuar Shqipërinë në mënyrë më skandaloze. Çështja është se është krisur besimi jo vetëm këtu, por edhe në komunitetin ndërkombëtar, të cilët vërtetë nuk kanë arsye të fortë për të prishur atë stabilitet që për vende të vogla deri tani e kanë pasur si linjën kryesore të politikës së jashtme, por kur populli del në rrugë ndërkombëtarët reflektojnë.”, tha ai.
