Presidenti i Republikës, Bajram Begaj ka vendosur të thërrasë javën e ardhshme Këshillin e Sigurisë Kombëtare, në një seancë të jashtëzakonshme që e diktojnë rrethanat e krijuara prej datës 22 Shtator, kur SPAK njoftoi akuzat ndaj ish-kryespiunes së Shqipërisë.
Këshilli përbëhet nga 14 anëtarë, ku përfshihen Kryetari i Kuvendit, Kryeministri, ministrat kryesorë (si ai i Mbrojtjes dhe i Brendshëm), si dhe drejtues të tjerë të lartë të institucioneve të sigurisë dhe mbrojtjes në vend, ndërsa kryetar është Presidenti.
Në kushtet kur Vlora Hyseni është tashmë ish-drejtuese e Shërbimit Informativ Kombëtar, një nga institucionet kyçe për sigurinë dhe kundërzbulimin, Presidenti Begaj është detyruar të thërrasë Këshillin e Sigurisë Kombëtare.
Nga Zyra e Kreut të Shtetit bëhet me dije se mbledhja është caktuar javën e ardhshme, për shkak se kryeministri Edi Rama ndodhet në Shtetet e Bashkuara të Amerikës, ku po merrë pjesë në punimet e Asamblesë së Kombeve të Bashkuara.
Konkretisht, për Vlora Hysenin janë caktuar masat e sigurisë “Arrest në shtëpi” dhe “Pezullim i ushtrimit të një detyre a shërbimi publik”, si person nën hetim
