Ish-deputeti i Partisë Demokratike, Ervin Salianji ka kërkuar dorëheqjen e kryeministrit Edi Rama, ndërsa ky i fundit ka paralajmeruar nje konference nga aeroporti i Rinasit, pasi të mbërrijë nga Amerika.
Në një postim të publikuar në rrjetet sociale, Salianji ngre pyetjen nëse Rama do të njoftojë dorëheqjen e tij në konferencën urgjente që pritet të zhvillohet në Rinas.
“A do lajmërojë dorëheqjen Edi Rama tek konferenca urgjente ne aeroport? A do të mbajë më në fund përgjegjësi për shkatërrimin e shtetit? Për kthimin e institucioneve në shërbim të krimit, për kapjen e institucioneve të sigurisë kombëtare, për korrupsionin masiv, për emërimet dhe delegimin e autoritetit shtetëror tek gysrat e grupet kriminale?!”, shkruan ish deputeti.
Salianji shkruan se se kryeministri është përballur me braktisje politike dhe diplomatike në Amerikë dhe se nuk ka zhvilluar takime bilaterale të nivelit të lartë.
“A ka ndikuar që në New York pamë edhe një tjetër realitet: braktisjen politike dhe diplomatike të Edi Ramës. Asnjë takim bilateral i nivelit të lartë, asnjë takim që të dëshmonte peshën që pretendon se ka Edi Rama, ndërsa aktivitetet e tij shoqëroheshin kryesisht nga njerëzit e administratës shqiptare. Sot Shqipëria pret dorëheqjen dhe jo fshehjen pas propagandës, ndërsa krimi dikton shtetin dhe institucionet bien njëra pas tjetrës! Apo do të bëjë Rama të vetmen gjë që i ka mbetur përballë kësaj katastrofe politike: TË JAPË DORËHEQJEN?! Shqipëria nuk mund të vazhdojë të qeveriset si pronë private”, tha nder te tjera Salianji.
