Eduard Zaloshnja komentoi sondazhin më të fundit të tij për zgjedhjet lokale të 14 majit. Nga të dhënat rezulton se ndër të vendosurit për të votuar sot në Tiranë, Veliajt ia japin votën 54.3%, Këlliçit 23.2% dhe Shehit 22.5%.
Analisti theksoi se pyetja për Dashamir Shehin ishte hipotetike, duke qenë se ende nuk ka shapllur zyrtarisht kandidaturën. Sa i përket rezultatit të sondazhit, ai tha se kreu aktual i bashkisë së Tiranës, vijon të ruajë mbështetjen e socialistëve, ndërsa sa i përket elektoratit të djathtë, ai tha Zaloshnja është i ndarë në dy pjesë.
“Marzhi i gabimit në këtë sondazh ishte +/- 3%. Por një gjë që duket qartë, është evidente se Veliaj ka mbështetjen e elektoratit të PS që votoi parvjet, Këllici gjysmën e elektoratit të djathtë. Këllici ka një problem është një politikan i ri, që përfaqëson një fraksion që e ka ndarë elektoratin e djathë në dysh. Përcarja e madhe që krijoi foltorja e Berishës, largimi i aleatëve, nga PD e dobëson dhe nëse do kemi dy kandidatë të djathtë vota do ndahet mes tyre” u shpreh Zaloshnja.
