Botuesi Nikoll Lesi shkruan në gazetën e tij, se Edi Rama mund të kandidojë për kreun e ri të NATO-s.
“Sekretarit të Përgjithshëm të NATO-s, Jens Stoltenberg po i mbaron mandati shtesë prej një viti, të cilin ia zgjatën pasi filloi lufta në Ukrainë. Deri tani për ta zëvëndësuar Jens Stoltenberg janë lakuar disa kandidatura si e Mario Draghi, ish-kryeministri italian apo Dalia Grybauskait e Lituanisë.
Ndërkohë dy emrat më të rëndësishëm për këtë post mbeten ish-kryeministri britanik Boris Johnson dhe kryeministri shqiptar Edi Rama. Boris Johnson ka mbështetjen e SHBA, por presidenti francez Macron nuk e pranon. Ndërsa po lakohet Edi Rama që e ka mirë me SHBA, grurë me Turqinë, marrëdhënie korrekte me Gjermaninë dhe pranueshëm miqësisht me Francën. Ka ende kohë deri në shtator, muaj kur mendohet se do të kemi emrin e ri të numrit një të NATO-s. Epo ëndrra janë, bën vaki edhe dalin…”, shkruan Nikoll Lesi.
