Kryeministri Edi Rama në fjalën e mbajtur në grupin e PS ku u refuzua kërkesa e SPAK për heqjen e imunitetit të Belinda Ballukur renditi arritjet që sipas tij kjo e fundit ka realizuar në ministrinë që ka drejtiar në fushën e infrastrukturës dhe energjisë.
Ai i kërkoi SPAK që të hetojë 4 hidrocentrale të privatizuara në kohën e Berishës nëse do vërtetë të luftojë korrupsionin, duke i kujtuar edhe dosjen e 21 janarit.
“Ka ndodhur shkatërrimi total i sistemit të shpërndarjes. E dyta, privatizimi kriminal i 4 hidrocentraleve Shkopet, Ulëza, Bistrica 1 dhe Bistrica 2 si kthim TVSH-je. Nëse duan korrupsion dhe duan të luftojnë korrupsionin se krimin mesa duket, nuk e kanë të lehtë ta luftojnë deri në fund përderisa nuk kanë fuqi të ngrenë akuzë për ‘21 janarin’, të shkojnë dhe të marrin dosjen e këtyre 4 veprave të ndërtuara nga populli dhe që i takonin vetëm popullit dhe iu dhanë një kompanie që nuk i kthehej TVSH-ja, thanë TVSH-s’jua kthejmë, por merrni këtë hidrocentralin. Këta janë sot ata që vijnë vërdallë si qentë e pazarit“, tha Rama.
