Kryebashkiaku i Himarës Jorgo Goro ka falenderuar Artan Lamen, i cili u largua nga detyra si shef i Agjencisë Shtetërore të Kadastrës.
Goro falenderon Artan Lamen duke thënë se ai bashkë me stafin e tij i kanë dhënë zgjidhje shumë problematikave.
“Artan Lame prej disa vitesh drejtoi institucionin Kadastra Shqiptare duke na ofruar së bashku me stafin e Tij në Himarë, jo vetëm një ekspertizë profesionale për sa e sa problematika të pazgjidhshme prej një dekade, por edhe zgjidhje.
Ndaj në emrin e shumë e shumë banorëve të Bashkia Himarë, të cilët tashmë kanë jo vetëm zgjidhje juridike për pronat e tyre, por edhe posedojnë edhe Çertifikatat e Pronësisë, dëshiroj ta falenderoj publikisht z. Lame. E gjitha kjo për dedikimin e Tij profesional në gjithë këto kohë që patëm mundësi të punojmë së bashku” shkruan Goro.
