Agim Ismaili do të jetë drejtori i ri i Inspektoriatit Kombëtar të Mbrojtjes së Territorit. Emërimi i tij në këtë post vjen pas largimit të Dallëndyshe Bicit, e cila shkoi në krye të Kadastrës Shqiptare.
Ismaili ka mbajtur për disa vite postin e Drejtorit të Përgjithshëm të Burgjeve dhe do të mbahet mend si drejtuesi i parë që implementoi sistemin e izolimit të rreptë të të burgosurve me rrezikshmëri të lartë, “41 BIS”. Më herët, Agim Ismaili ka mbajtur dhe postin e drejtuesit të Autoritetit Kombëtar të Ushqimit dhe atë të nëndrejtorit në Agjencinë kundër Pastrimit të Parave.
Agim Ismaili është diplomuar si inxhinier elektroteknik për energjitikën në vitet 1987 – 1992 dhe ka kryer master shkencor në Akademinë e Rendit, për specialist i lartë policie në vitet 1997 – 2001. Më pas, ka kryer edhe studimet e larta dhe për Drejtësi.
