Pas pagave, kryeministri Edi Rama tha sot se objektivi i radhës i qeverisë është rritja e pensioneve, jo si deri tani, por me një shifër të djeshme. Por më parë, theksoi ai, duhet që të shmanget evazioni me pagat.
“Gropa e krijuar nga mungesa e kontributeve, shmangia, ikja në raport me sigurimet shoqërore është një gropë që nuk e mbush dot një qeveri. Rritja e pensioneve është objektivi i radhës pas rritjes së pagave, nuk diskutohet. Ambicia ime është që mos iki nga ky vend pa i rritur edhe pensionet në mënyrë të ndjeshme. Por që të jemi të qartë, nuk është çështje dëshire. Rritja e pagave na bën të marrim frymë të lehtësuar nga një detyrim të mbartur prej vitesh. Të arrijmë në pagën mesatare 900 Euro në harkun e një viti e pak është realisht puna e 10 viteve. Që të arrijmë të rrisim pensionet duhet të vazhdojmë te rritja e kontributeve” tha Rama.
Rama paralajmëroi kompanitë e ndërtimit dhe jo vetëm: “Asnjë tender apo leje ndërtime dhe nuk do të n/kontraktohen kompani që i kanë punëtorët me paga minimale, skllavëruese ose të gënjeshtra. Do të fitojnë më shumë? Ku do i çojnë? Se kanë fituar për tre apo katër breza”.
