Blendi Gonxhe, drejtor i DPRRTSH ka komentuar lidhur me rregullat e qarkullimit rrugor që duhet të zbatohen nga këmbësorët dhe drejtuesit. Ai tha se ne si shoqëri kemi një sjellje primitive ndaj ecjes në rrugë dhe se qarkullimi duhet të shihet si prioritet në rrugë.
Sipas tij, duhet të ndërgjegjësohemi për të parandaluar ngjarjet fatale në rrugë. Gonxhe tha në vijim se shumë shpejt duhet të marrim një rrugë shumë të re sa i përket përgjegjësisë së këmbësorit që dhe këmbësori të ndëshkohet.
“Dhe sikur të jesh në tentativë për të kaluar por kur je dhe i shoqëruar me një të mitur dhe ti kalon kjo është prag fataliteti. Kjo është ajo që ne kemi një sjellje primitive ndaj rrugës. Suedia për shembull një nga vendet model për mbrojtjen e të drejtave të njeriut, është shumë agresive ndaj këmbësorit që sillet keq në rrugë. Ka ardhur momenti të kopjojmë. Ideja është se kjo nuk është një zgjidhje me tela me gjemba, por me ndërgjegjësim, por nëse është e nevojshme dhe se kjo masë do parandalonte këto aksidente dhe kjo mund të realizohet”, tha Gonxhe.
