Ashtu siç ishte paralajmëruar mëngjesin e sotëm është mbledhur Kryesia e Partisë Socialiste.
Prej mëngjesit të sotëm në selinë rozë mbërriti kreu i saj, Edi Rama dhe anëtarët e tjerë të Kryesisë. Pritet që në fokus të diskutimeve të sotme të jetë fushata elektorale e zgjedhjeve vendore të 14 Majit që nis zyrtarisht më 14 Prill. Nuk dihet nëse pas përfundimit të mbledhjes do të ketë një deklaratë për mediat.
Tashmë janë zyrtarizuar edhe emrat e kandidatëve të Partisë Socialiste që do të jenë në garë. Rama ka deklaruar se objektivi i Partisë Socialiste është që të fitojë të gjitha bashkitë e mëdha të vendit për të vijuar punën drejt zhvillimit dhe rilindjes urbane.
