Lulzim Basha i ka kthyer përgjigje akuzave të Sali Berishë që tha sot se “Lulzim Bravan është aksioner te Porti i Durrësit”. Në dy “cicërima” të njëpasnjëshme në Twitter, Basha thotë se sa herë që kërkon të fshehë diçka, “nongrata” (Berisha), hap thesin e shpifjeve.
“Sa herë do të fshehë diçka, non grata hap thesin e mashtrimeve dhe shpifjeve. Trekëndëshi i Bermudës është i pandarë në korrupsion, lidhje me krimin dhe minim të demokracisë. E vërteta është e thjeshtë: Bashkë i kanë oligarkët dhe mediat, lejet, kullat, koncesionet e tenderat, bandat dhe policët e gjyqtarët e korruptuar.
Por çfarë tha Berisha sot? Saliu hodhi akuza për marrëveshjen e Portit të Durrësit dhe tha se po përgatitet vjedhja më e madhe në histori.
