Deputetja e PD-së, Flutura Açka nuk mbajti dot lotët kur kolegia e saj Grida Duma njoftoi lënien e mandatit të deputetit. E ftuar në emisionin “Goca dhe Gra”, Açka u pyet se çfarë mendon për vendimin e Grida Dumës.
“Lotët e mi ishin goditje e momentit. Dija diçka, por nuk ma merrte mendja që e kishte marrë vendimin… edhe zëri i dridhur i Gridës dhe të gjitha bashkë, kjo ishte arsyeja e emocionit. Është vendim personal i saj. Megjithatë, ajo vazhdon të jetë në politik dhe nga ai front”, tha Açka që më tej komentoi situatën aktuale në PD.
“Kam përshtypjen se mjedisi në PD nuk është akoma aq i shtruar sa të jetë dashamirës. Kjo është një nga arsyet mendoj unë. As unë vetë nuk e gjej veten, nuk jam në ujëra aq të sigurta. Projeksioni im ishte ndryshe”, tha Açka.
E pyetur nga Armina Mevlani se për çfarë do e linte politikën, Açka tha se do ta bënte “vetëm për librin”.
