Ambasadorja e SHBA-ve, Yuri Kim gjatë takimit me Amerikanët të Tregtisë, tha se është krenarë për marrëdhëniet e forta mes SHBA dhe Shqipërisë.
Kim tha se SHBA kanë interesin e madh për të ndihmuar Shqipërinë që të bëhet më e begatë, teksa theksoi se më tej duhet të përforcojnë bashkëpunimin e tyre në botën e ekonomisë.
“Ne duam ta ndihmojmë Shqipërinë të bëhet më e begatë dhe më e lidhur me ekonominë e SHBA. Ne duhet të forcojmë bashkëpunimin shqiptaro-amerikan në fushën e biznesit. Shqipëria ka nisur procesin e negociatave për tu bërë anëtar i BE dhe kjo do të hapë një botë mundësish dhe ky është një çast i rëndësishëm. Investimet e SHBA-së në Shqipëri janë më lartë se asnjëherë më parë. Ne synojmë më lartë. Ka aq shumë talent dhe mundësi që nuk është prekur ende këtu. Diçka është duke ndodhur. Po ju them që në bazë të përvojës time, diçka po ndodh në ajër në Shqipëri. Këtu ka mundësi. Nëse nuk do e ndjenit këtu, nuk do të ishit këtu. Të jemi seriozë për identifikimin e pengesave gjatë ardhjes së investimeve amerikane për të lehtësuar. Kur gjykatat të jenë të pastra, do kemi investime amerikane në Shqipëri. Kur investitorët të kuptojnë që rregullat të zbatohen njësoj për të gjithë”, tha Kim.
