Mediat në Kosovë raportojnë se është anuluar mbledhja e përbashkët e dy qeverive “Rama-Kurti” në Gjakovë. Lajmi është raportuar nga televizionet dhe mediat online më të rëndësishme në Kosovë, e me shpejtësi ka mbërritur dhe në Shqipëri.
“Burime të Klan Kosovës nga Tirana kanë thënë se nuk e kanë në plan që të udhëtojnë për në Prishtinë për këtë mbledhje”, raporton një nga mediat në Prishtinë.
Mirëpo, duket se në Kosovë ka një përplasje informacioni, pasi menjëherë më pas ka reaguar dhe Zyra e Kryeministrit Albin Kurti, e cila ka përgënjeshtrua lajmet e pavërteta duke theksuar se gjithçka është gati.
“Mbledhja e dy qeverive Rama-Kurti nuk është anuluar. Gjithçka është gati në Gjakovë”, ka deklaruar zyra e Kurtit per News24.
