Avokatët e Arben Ahmetajt dhe të ish-gruas së tij, Albina Mançka kanë bërë rekurs në Gjykatën e Lartë sa i përket sekuestros së vilës në Palasë. Burime për mediat bëjnë me dije se kërkesës së avokatëve të Ahmetajt dhe Mançkës i është bashkangjitur edhe avokati i shtetases zvicerane, në emër të së cilës ndodhet prona në Palasë.
Avokatët e Ahmetajt e quajnë të padrejtë që të sekuestrohet një pronë që nuk është në pronësi të Ahmetajt dhe as e ish bashkëshortes së tij e cila më herët tha se e kishte pasur vilën thjesht në përdorim dhe se nuk është ajo pronarja.
Pak javë më parë, Gjykata e Lartë rrëzoi Arben Ahmetajn, i cili kishte bërë rekurs kundër vendimit për kontrollin e vilës në Hamallaj, në pronësi të bashkëjetueses së tij Erjola Hoxha.
