Qeveria Rama e ka kthyer kokën nga agjencitë funerale një absurditet që u “kall datën” njerëzve dhe sidomos fëmijëve. Sot me miratimin e ligjit të ri do të zhduken përgjithmonë vitrinat e agjencive funerale të mbushura plot me arkivolë.
Duke nisur nga muaji korrik 2023, asnjë agjenci funerale nuk mund të ekspozojë më në vende të dukshme, arkivolë apo kurora lulesh vdekjeje. Vendimi përcakton se nëse këto subjekte funeralesh nuk marrin masa, pas 6 muajve nuk e marrin më licencën.
Në vend të kësaj, siç sanksinohet në vendimin e qeverise, produktet dhe shërbimet e tyre do të jenë të padukshme, referuar ndryshimit të miratuar ne ligj: “Agjencitë dhe shtëpitë funerale duhet të zhvillojnë aktivitetin, si: plotësimi i formaliteteve, shitja e artikujve të varrimit dhe çdo aktivitet tjetër që lidhet me funeralin, brenda ambienteve të miratuara dhe që janë jo të dukshëm nga jashtë”.
